«Shoir ovozi – millat nafasi»

Urganch tumani axborot-kutubxona markazida 21-27 aprel kunlari «O’zbekiston kitobxonlar yurti» shiori ostidagi an’anaviy V Respublika «Kitobxonlik haftaligi» da tadbirlar davom etmoqda. Bugun shoir Muhammad Yusuf hayoti ijodiga bag’ishlangan «Shoir ovozi – millat nafasi» mavzusida adabiy kecha bo’lib o’tdi. Undan tumandagi 1-sonli maktabning faol kitobxon o’quvchilari, kutubxonachisi va o’qituvchilari ishtirok etishdi. O’quvchilar tomonidan Muhammad Yusufning ijodiy faoliyati yoritib berildi. Ayniqsa o’quvchilar tomonidan tayyorlangan sahna ko’rinishi barchada o’zgacha taasurot qoldirdi.