📚Bugun mazkur loyiha doirasida kutubxona xodimlari tuman ko‘chalarida, jamoat joylarida fuqarolar bilan uchrashib, ularga turli janrdagi kitoblarni tanishtirishdi. Kitobxonlarga zamonaviy adabiyotlar, tarixiy asarlar hamda yoshlar uchun motivatsion kitoblar haqida ma’lumot berildi.
🎓Loyiha davomida ko‘plab yurtdoshlarimiz o‘z qiziqishlariga mos kitoblar tanlashdi va Axborot-kutubxona markaziga a’zo bo‘lishdi. Shuningdek, ularga kitob o‘qishning foydasi, yangi kitoblar fondi va kutubxona xizmatlaridan foydalanish tartibi haqida tushuntirishlar berildi.
Bunday loyihalar orqali aholida kitobxonlik madaniyatini yanada oshirish, yoshlar orasida mutolaaga bo‘lgan qiziqishni kuchaytirish maqsad qilingan.
🇺🇿Prezidentimiz ta’kidlaganlaridek:
“Kitob — inson tafakkurining, ma’naviy dunyosining eng ishonchli yo‘ldoshi. Kim kitobga oshno bo‘lsa, u hech qachon yo‘ldan adashmaydi.”
Shunday ezgu tashabbuslar orqali kitobga muhabbat, mutolaaga bo‘lgan mehr va ma’rifatparvarlik xalqimiz hayotida mustahkam o‘rin egallab bormoqda.