Urganch tumani axborot-kutubxona markazida «O’zbek tiliga e’tibor va jadidlar» mavzusida davra suhbati o’tkazildi. Davra suhbatida xodimlarning ish jarayonida O’zbek tilida to’g’ri yozish, imloviy xatolarsiz ish jarayonlarini olib borilishi muhokama qilindi. Bundan tashqari jadid namoyondalarining O’zbek tiliga qo’shgan hissasi haqida suhbatlashildi. Milliy til — har bir xalqning tarixini, ma’naviy dunyosi va madaniyatini o‘zida mujassam etgan bebaho xazinadir. U millatimizning iftixori, xalqimizning birdamligi va mustaqil davlatchiligimizning mustahkam poydevoridir. Davlatimiz rahbari ta’kidlaganlaridek: “Davlat tili faqatgina soha mutaxassislarining emas, balki ko‘p millatli butun xalqimizning birgalikdagi sa’y-harakatlari, aql-zakovati, ma’naviy-ma’rifiy salohiyati, vatanparvarlik fazilatlari bilan ravnaq topadi».

#Ona_tilim_gururim_faxrimUrganch tumani 36-sonli maktabda 21-oktabr O’zbek tili bayrami kuni munosabati bilan «Til millatning ruhi» mavzusida tadbir bo’lib o’tdi. Tadbirda o’quvchi-yoshlar tomonidan tadbir mehmonlariga O’zbekiston Respublikasining Davlat tiliga oid turli ma’lumotlar berildi. Bundan tashqari markaz hodimlari tomonidan davlat tiliga oid kitoblar taqdimoti o’tkazildi. O’quvchi-yoshlar tomonidan sahnalashtirilgan sahna ko’rinishlar, raqs va kuy-qo’shiqlar tadbir mehmonlariga yuqori kayfiyat ulashdi.

Urganch tumani 38-sonli maktabda tuman axborot-kutubxona markazi bilan hamkorlikda 21-oktabr O’zbek tiliga davlat tili maqomi berilgan kun munosabati bilan «Ona tilim — g’ururim, faxrim» mavzusida ochiq dars tadbiri bo’lib o’tdi. Ochiq dars davomida O’zbek tiliga oid barcha ma’lumotlar berildi. Markaz xodimlari tomonidan yangi nashr etilgan O’zbek tilining izohli imlo lug’ati va boshqa turli O’zbek tiliga oid kitoblar taqdimoti o’tkazildi. Tadbir yakunida maktab direktori Z.Kurbanbayeva so’zga chiqib o’quvchi-yoshlarni ushbu sana munosabati bilan tabrikladi. 21-oktabr — O‘zbek tili bayrami kuni! Bugun — 21-oktabr, o‘zbek xalqining milliy faxri, madaniyati va mustaqillik ruhi mujassam bo‘lgan O‘zbek tiliga davlat tili maqomi berilgan kun. Ma’lumot uchun:📜1989-yil 21-oktabr kuni O‘zbekiston Respublikasining (o‘sha paytda O‘zbekiston SSR) “Davlat tili to‘g‘risida”gi qonuni qabul qilinib, o‘zbek tiliga davlat tili maqomi berilgan edi.Bu tarixiy qaror millat o‘zligining, xalq g‘ururining, istiqlol va taraqqiyot yo‘lidagi muhim qadam bo‘ldi.🇺🇿1995-yilda ushbu qonun yangi tahrirda qabul qilinib, tilimizning mavqei yanada mustahkamlandi.Shundan beri, 21-oktabr sanasi mamlakatimizda “O‘zbek tili bayrami kuni” sifatida keng nishonlanadi. O‘zbek tili — bu ajdodlar merosi, millatning yuragi, Vatanimizning iftixori. Uni ardoqlash, toza saqlash va avlodlarga yetkazish — har birimizning burchimizdir.

🕊Xalqaro qizlar kuni» — tinchlik va ezgulik ramzi! «11-oktabr – Xalqaro qizlar kuni» munosabati bilan “Dunyoni tinchlik va ezgulikka ilhomlantiramiz!” shiori ostida Urganch tumani axborot-kutubxona markazida ma’naviy-ma’rifiy tadbirlar bo’lib o’tmoqda. Ayni paytda tadbirlar doirasida Urganch tumani 1-36-sonli maktabning o’quvchi-yoshlari ishtirokida davra suhbati tashkil etildi. Unda «Oqila» ayollar faollari va xotin-qizlar mutaxassislari so’zi avvalida, kitobxonlik orqali sohalarda erishilayotgan yutuqlar, yurtimizda ayol-qizlarga yaratilayotgan imkoniyat va bugungi kunda ularning jamyatdagi o’rni haqida batafsil so’z yurtildi, o’quvchi-qizlar ham uchrashuvda faol ishtirok etib, mavzu yuzasidan o’z fikr-mulohazalarini bildirishdi. Bugungi tadbir yoshlar tomonidan she’r, kuy-qo’shiqlar va chiroyli raqslar namoyishi barobarida davom etdi.