Urganch tumani axborot-kutubxona markazi «Kitob va mutolaa haftaligi» doirasida «Kitobxonlar klubi» a’zolaridan 7-sinf o’quvchilari o’rtasida «O’yla izla top» deb nomlangan zakovat intelektual o’yini tashkil etildi. Jarayonda kitobxonlar ikkita jamoaga bo’lingan holda «Zukkolar» va «Bilimdonlar» o’zaro bellashdilar. Bugungi zakovat intellektul o’yinida, savollar badiiy adabiyotlar asosida tuzilgan bo’lib, juda qizg’in bahs-munozaralarga boy bo’lib o’tdi. Bellashuv natijalari markaz mutaxassislar tomonidan baxolanib borildi, o’quvchilar o’z bilim, salohiyatini yana bir bora sinab ko’rishdi. Shuningdek, markaz rahbari M.Yusupova so’zi avvalida, bunday tadbirlardan asosiy maqsadmiz, bizga kelajak avlodlarni kitob mutoalasi bilan shug’ullanish orqali yoshlar dunyoqarashni kengaytirish hamda yurt kelajagi uchun kitobsevar farzandlarni safini yanada kengaytirishimiz zarur deya, g’olib jamoa va faol qatnashgan o’quvchilarni kitob va esdalik sovg’alari bilan taqdirladi.

📚Urganch tumani axborot-kutubxona markazida «Kitob va mutolaa haftaligi» doirasidagi tadbirlar davom etmoqda. 2025-yil 2–12-sentabr kunlari bo’lib o’tayotgan mazkur haftalik doirasida, Urganch tumani 38-sonli maktabning 1-sinf o’quvchilar ishtirokida kitob taqdimotlari tashkil etildi. Unda xodimlar tomonidan bolalarga mo’ljallangan adabiyotlardan, hikoya va ertak kitoblar tavsiya etildi. Shuningdek, 1-3-sinf o’quvchilariga markazda yaratilgan qulayliklar, kutubxonadan foydalanish qoidalari va bo’sh vaqtlarini mazmunli o’tkazishlari uchun, yangi loyihalar tanishtirib o’tildi. Hamda barcha o’quvchilar kutubxonaga a’zo etilib, foydalanuvchi chiptasi tarqatildi. Bugungi uchrashuv bolalarda ertak va kitoblarga mehr uyg’otib, ularning ma’naviy dunyosini boyitishga xizmat qilmoqda.

«Kitobsevar millat»Jamiyatda kitobxonlik qay darajada keng ommalashsa ziyo ahli shunchalik ko’p bo’ladi, o’z navbatida bu joyda qadriyatlarni yanada mustahkamlash maqsadida Urganch tumani axborot kutubxona markazi mutaxssislari, Urganch tumani hokimligi ishchi-xodimlariga kutubxona xizmati ko’rsatildi. Tashrif davomida tashkilot xodimlari va foydalanuvchilariga muddatli topshirilgan kitoblar qaytarib olinib, yangi adabiyotlar tavsiya etildi. Xususan, o’zbek va jahon adabiyotiga mansub kitoblar ko’rgazmasi namoyish etildi.

Urganch tumani axborot-kutubxona markazida «Sevimli yozuvchim bilan uchrashuv» loyihasi doirasida, Urganch tumani hokimining ma’naviy-ma’rifiy ishlar samaradorligini oshirish va davlat tili to’g’risidagi qonun hujjatlariga rioya etilishini ta’minlash masalalari bo’yicha maslahatchisi, serqirra ijod sohibasi Romanova Shahlo Shukrullayevna mehmon sifatida taklif etildi. Unda tuman Favqulodda vaziyatlar bo’limi xodimlari, «Nuroniy» jamg’armasi faollari va markaz xodimlari ishtirok etishdi. Uchrashuvda shoiraning mehnat faoliyati, insoniy fazilatlari, ijodining o’ziga xos jihatlari, boy ijodiy merosi haqida atroflicha so’z yuritdilar va shoiraning qalamiga mansub she’rlari tashrif buyurgan mehmonlariga manzur bo’ldi. Tadbir yakunida Shahlo Romanova o’zining yangi chop etilgan she’riy to’plamini qatnashchilarga sovg’a qildi. Bugungi ijodiy uchrashuv, go’zal she’rlar barobarida chiroyli raqslar bilan yanada jonli tus oldi.