Do’stlik masofa tanlamaydi, til, din yoki irq bilan chegaralanmaydi. U nafaqat insonlarni, shuningdek xalqlarni va davlatlarni ham o’zaro hurmat, ishonch asosida birlashtiradi.  30-iyul xalqlar do’stligi kuni munosabati bilan Urganch tumani axborot-kutubxona markazida Respublika ma’naviyat va ma’rifat markazi Urganch tuman bo’linmasi rahbari G.Jabborova,»Oqila ayollar» jamoasi faoli A.Matsapayeva, O.Atajonova va Oila va xotin-qizlar bo’limi faoli G.Dushamovalar ishtirokida «O’zbekiston – bag’rikeng diyor» mavzusida ma’naviy ma’rifiy tadbir tashkil qilindi. Unda Hozirgi kunda mamlakatimizda 130 dan ortiq millat va elat vakillari yakdil, ahil bo’lib yashayotgani, har bir insonning hayotiy manfaatlari hamda ezgu maqsadlari roʻyobi uchun teng va keng imkoniyatlar yaratib berilgani alohida eʼtirofga hamda ibratga loyiqligi, turli millat vakillarining o’z ona tili, madaniyati, sanʼati, hunarmandchiligi va milliy qadriyatlarini rivojlantirishida muhim o’rin tutmoqda deya so’zlarini yakunladi soha vakillari.

Yangi barpo qilingan »Ustoz» kutubxonasi kitobxonlar uchun o’z eshiklarini ochdi. Urganch shahri markazida tadbirkor Quvondiq Abdullayev yana bir xususiy kutubxonasini xalq xizmatiga topshirdi.Ochilish marosimida viloyat hokimining o’rinbosari S.Salayev, Oliy ta’lim muassasalari rektorlari, olim va professorlar, shoir va yozuvchilar, Urganch tumani axborot-kutubxona markazi rahbari M.Yusupova va jamoasi hamda kitobxon yoshlar ishtirok qildilar. Yig’ilganlar 50 mingdan ortiq kitob fondiga ega mazkur kutubxona yoshlarning eng sevimli manziliga aylanishini, ajdodlarimizdek buyuk avlodlarni tarbiyalashda kutubxonaning o’rni beqiyos ekanini ta’kidladilar. Mazkur kutubxona Q.Abdullayevning Urganch shahridagi ochilgan ikkinchi kutubxonasi bo’lib, birinchi kutubxonasi allaqachon yoshlar bilan to’la. Barcha kitobxonlarga zavqli mutolaa tilaymiz.

🧯Urganch tumani axborot-kutubxona markazida favqulodda vaziyatlarni oldini olish hamda yong’in xavfsizligini ta’minlash bo’yicha yig’ilish bo’lib o’tdi. Yig’ilishda Urganch tumani Favqulodda vaziyatlar bo’limi mutaxassislari va markaz xodimlari ishtirok etishdi. Unda mutaxassislar tomonidan O’zbekiston Respublikasi Vazirlar Mahkamasining 2020-yil 20-oktyabr kunidagi «Yong’in xavfsizligi qoidalarini tasdiqlash to’g’risida»gi 649-sonli qarori  va O’zbekiston Respublikasining 2009-yil 30-sentyabrdagi O’RQ-226 «Yong‘in xavfsizligi to’g’risida»gi qonunini mazmun mohiyati hamda o’t o’chruvchi moslamalaridan foydalanish qoidalari tinglovchilarga tushuntirildi.

Urganch tuman axborot-kutubxona markazida Respublika ma’naviyat va ma’rifat bo’limi tomonidan taqdim etilgan«Siyosiy-ma’rifat soati»da  kutubxona xodimlari ishtirok etishdi. Xususan, «Siyosiy-ma’rifat soati»da yurtimiz hamda xorijda bo’lib o’tgan muhim voqealar tafsilotlari xodimlarning ma’naviy-ma’rifiy, siyosiy bilimlari yanada rivojlanishiga yordam bermoqda. Shuningdek, siyosiy-ma’rifat soatida, xodimlar bilan «Xalqlar do’stligi» oyligida tashkil qilinayotgan tadbirlar rejalashtirib olindi.