🪐Urganch tumani axborot-kutubxona markazi xodimlari «Qatag’on qurbonlari» oyligi doirasida tuman Mudofaa chaqiruv bo’limi yoshlari bilan, muhim tarixiy manzillardan biri «Qatag’on qurbonlari xotirasi» muzeyiga sayohat qilishdi. Sayohat davomida muzey direktori, tarix fanlari nomzodi, dotsent Y.Rahmonova muzeyda joylashtirilgan tarixiy yodgorliklar haqida ma’lumotlar berib, o’tmishda xalqimiz boshidan kechirgan og’ir sinovlar, sovet totalitar tuzumining zulmi va bu yillar davomida xalqimiz ko’rsatgan matonat haqida so’z yuritildi. Ayniqsa, muzeyda yaratilgan yangi innovatsion texnologiyalar barchada katta qiziqish uyg’otdi. Shuningdek, muzey direktori Y.Rahmonova yoshlar mutolaasi uchun o’z qalamiga mansub kitoblar jamlanmasini kutubxona fondiga sovg’a qildi. Bu kabi tarixiy maskanlarga sayohatlar albatta, yoshlarimizni vatanparvar, ongli va tarixiy haqiqatlarga befarq bo’lmagan avlod sifatida shakllantirishga xizmat qiladi.

Mahmud Zamaxshariy nomidagi Xorazm viloyati axborot – kutubxona markazi ilmiy metodika xizmati, bosh mutaxassislari Urganch tumani axborot-kutubxona markazi faoliyatini o’rganish va metodik yordam ko’rsatish maqsadida tashrif buyurdi. Unda markazning kutubxonachilik faoliyatini bir xilda olib borish va kutubxona fondini to’g’ri yuritish bo’yicha ma’lumotlar berildi. Markaz ish jarayoni bilan tanishib, xato va kamchiliklar o’rganilib, kuzatilgan kamchiliklar bo’yicha tavsiyalar berildi. Shuningdek, Bibliografiya xizmati tomonidan tuzilgan metodik qo’llanmalar yuzasidan taqdimotlar ko’rib chiqildi. Tayyorlangan qo’llanmalardagi xato va kamchiliklar tushuntirilib, mavzu bo’yicha bilimlar mustahkamlandi.

Urganch tumani axborot-kutubxona markazi xodimlari tomonidan, «O’z huquqlaringizni bilasizmi» mavzusida xodimlar o’rtasida suhbat o’tkazish, qisqacha ma’laumotlarga ega bo’lishlari uchun «Agro banki» ga tashrif buyurildi. Tashrif davomida tashkilot xodimlarga O’zbekiston Respublikasining yangi Konstitutsiyasi va Istemolchi huquqlari to’g’risidagi kitoblardan tavsiyalar berildi. Shuningdek tumandagi tashkilot xodimlariga muddatli topshirilgan kitoblarni qaytarib olinib, yangidan adabiyotlarni taqdim etildi. Uchrashuvda mamlakatimizda inson huquqlarini kafolatlash borasida amalga oshirilayotgan islohotlar, qonunchilik tizimidagi so’nggi o’zgarishlar, «Inson huquqlari» deklaratsiyasi mazmun-mohiyati haqida xodimlarga ma’lumotlar berildi.

Yoshlarning yozgi ta’til davrini mazmunli o’tkazishga qaratilgan «Dolzarb 90 kun» loyihasi doirasida «Mening mahallam-mening faxrim» shiori ostida Urganch tumani Bobodehqon mahallasi 16-son umumiy o’rta ta’lim maktabida madaniy-ma’rifiy tadbirlar bo’lib o’tdi. Tadbir Urganch tumani hokimligi va milliy madaniy markaz vakillari, san’at ustalari ijrosidagi kuy-qo’shiqlar bilan davom etdi. Tadbirda Urganch tumani axborot-kutubxona markazi kitob ko’rgazmalari, xalq hunarmandchiligi buyumlari, milliy qadriyatlar nomayishlari, rassomchilik san’ati, milliy sport o’yinlari tadbir qatnashchilariga bayramona kayfiyat bag‘ishladi. Tadbir yakunida ko’plab yutuqlarga erishgan yoshlar va tadbirni tashkillashtirishda yaqindan yordamlari uchun hamkor tashkilotlar Urganch tumani hokimligi tomonidan taqdirlandi.